Ao servizo do noso colectivo
TesgaliciaProfesionais das emerxencias

Xestores

¿Que son os xestores de emerxencias?

 

Son persoal que desenvolve o seu labor nas Centrais de Coordinación de Urxencias (CCU), encargándose principalmente da xestión das comunicacións nas mesmas.

 

A definición da sua categoría e das suas funcións ven recollida na Cualificación Profesional: Teleoperacións de Atención, Xestión e Coordinación de Emerxencias co Código: SEA647_3 (publicada no BOE número 269 do martes 8 de Novembro de 2011) non estando esta aínda desenvolvida na actualidade.

 

 

Tipos de Xestores de Emerxencias segundo as súas funcións:

 

Operadores de demanda ou teleoperadores:

Son a vía de entrada das chamadas ós CCUs, ocupándose de recibir todas as comunicacións entrantes por vía telefónica.

Entre as súas funcións destacan: Tranquilizar ós alertantes, conseguir a maior precisión posible na localización do incidente, confirmar os medios de contacto cos usuario e clasificar a demanda seguindo uns protocolos previamente establecidos.

 

Operadores de resposta, locutores ou radioperadores:

Son os encargados de xestionar a resposta indicada ben polo sistema preestablecido ou ben polo coordinador na CCU, ocupándose das comunicacións cos recursos, asignando e activando os mais axeitados e facendo o seguimento de todo o servizo ata a súa finalización.

As suas funcións principais son: Seleccionar e activar os diferentes recursos para as diferentes situacións, realizar un exhaustivo seguimento de cada servicio mantendo en todo momento informado ó coordinador e finalmente ocuparse de recopilar todos os datos do mesmo.

 

vocalxestores@tesgalicia.info